Տիագո Սիլվա: Ես Ցանկանում եմ Պատմություն Կերտել ՊՍԺ-ում

Պարի Սեն-Ժերմենի կենտրոնական պաշտպան Տիագո Սիլվան Պատմել է, որ Մինչ ֆրանսիական ակումբ տեղափոխվելը խորհրդակցել է Միլանի նախկին հարձակվող Զլատան Իբրահիմովիչի հետ, ով նույնպես տեղափոխվեց ՊՍԺ:

- Մինչ Պարի Սեն-Ժերմենի հետ պայմանագիր ստորագրելը ես խորհրդակցեցի Զլատանի հետ: Սկզբում ես ցանկանում էի խաղալ Իբրայի հետ Միլանում, սակայն դեպքերի հետագա զարգացումները հանգեցրին նրան, որ մենք միասին տեղափոխվեցինք ՊՍԺ:

Այժմ ես ցանկանում եմ պատմություն կերտել ՊՍԺ-ի հետ: Ինձ վիճակվել է խաղալ աշխարհի լավագույն հարձակվողներից մեկի` Զլատան Իբրահիմովիչի, հետ:

Բացի այն փաստից, որ Զլատանը ֆանտաստիկ ֆուտբոլիստ է, նա նաև իմ լավագույն ընկերներից մեկն է, - հայտարարել է Տիագո Սիլվան:

Կառլո Անչելոտտի: Իբրահիմովիչը ֆանտաստիկ խաղ ցուցադրեց

ՊՍԺ-ի գլխավոր մարզիչ Կառլո Անչելոտտին գովեստի խոսքեր է արտահայտել Զլատան Իբրահիմովիչի հասցեին, ով Ֆրանսիայի առաջնության Լորյանի դեմ հանդիպմանը դուբլ ձևակերպեց և փրկեց թիմին վերահաս պարտությունից:

Հիշեցնենք, որ հանդիպումն ավարտվել էր 2:2:

- Իբրահիմովիչը ֆանտաստիկ խաղ ցուցադրեց: Սակայն, ցավով պետք է փաստել, որ մեզ չհաջողվեց ավելի կազմակերպված խաղալ հանդիպման առաջին կեսում: Մենք պետք է գործենք ինչպես մեկ միասնական մարմին, - հայտարարել է Անչելոտտին:

Իբրահիմովիչի դուբլը օգնեց ՊՍԺ-ին խուսափել պարտությունից

Ֆրանսիայի առաջնության առաջին տուրում ավարտվեցին բոլոր հանդիպումները: Մոնպելիեի վրիպումից ՊՍԺ-ն չկարողացավ օգտվել և Լորյանի հետ խաղն ավարտվեց ոչ-ոքի: Կառլո Անչելոտտիի թիմը վատ հանդես եկավ և արդեն առաջին խաղակեսում բաց թողեց երկու գնդակ:

Ընդմիջումից հետո թիմը ուշքի եկավ և Զլատան Իբրահիմովիչը կրճատեց հաշվի տարբերությունը: Խաղավերջում Իբրան 11 մետրանոցից խփեց իր երկրորդ գոլը` ձևակերպելով դուբլ:

Պաստորեն չի մասնակցի Լորյանի դեմ հանդիպմանը

Ինչպես արդեն հայտնի է, Ֆրանսիայի առաջնությունն արդեն մեկնարկել է և  այս շաբաթ օրը ՊՍԺ-ն կհյուրընկալի Լորյան ֆուտբոլային ակումբին: Հանդիպումը տեղի է ունենալու Պարկ Դե Պրենս մարզադաշտում:

Ինչպես հայտնում են ֆրանսիական լրատվամիջոցները, ՊՍԺ-ի հարձակվողական ոճի կիսապաշտպան Խավիեր Պաստորեն չի կարող մասնակցել վերոհիշյալ հանդիպմանը, քանի որ որակազրկված է` ստացած դեղին քարտերի պատճառով:

Հուսանք, որ Պաստորեի բացակայությունը վատ չի անդրադառնա ՊՍԺ-ի ընդհանուր խաղի վրա:

ՊՍԺ-ի մարզաշապիկների վաճառքը հնգապատկվել է

Այս տրանսֆերային պատուհանի ժամանակաընթացքում ՊՍԺ-ի աղմկահարույց ձեռքբերումները հանգեցրել են նրան, որ թիմի մարզաշապիկների վաճառքը հնգապատկվել է` նախորդ մրցաշրջանի հետ համեմատած:

Ինչպես հաղորդում են ֆրանսիական լրատվամիջոցները, ֆրանսիական ակումբը օրական վաճառում է 250-300 մարզաշապիկ, այն էլ` ինտերնետի միջոցով:

Պետք է նշել, որ մեկ մարզաշապիկի արժեքն է 110 Եվրո:

Սիլվայի տրանսֆերը ՊՍԺ 45 մլն. արժեցավ

Պարի Սեն-Ժերմենը պատրաստվում էր ձեռք բերել բրազիլական Սան Պաուլուի հարձակվող Լուկաս Սիլվային: Ինչպես հաղորդում են ֆրանսիական լրատվամիջոցները, Սիլվայի տարանսֆերը 45 միլլիոն արժեք ունի:

Պետք է նշել, որ Լուկաս Սիլվան 4.5 տարվա պայմանագիր է ստորագրել ՊՍԺ-ի հետ, սակայն իր թիմակիցներին կմիանա միայն հունվար ամսին:

Հարկավոր է փաստել, որ այս տրանսֆերային պատուհանի ընթացքում ՊՍԺ-ն 120 մլն. ֆունտ սթերլինգ ծախսեց` Զլատան Իբրահիմովիչին, Տիագո Սիլվային և Լուկաս Սիլվային ձեռք բերելու համար:

Կառլո Անչելոտտի: ՊՍԺ-ն լավ աշխատանք կատարեց ամռան ընթացքում

Պարի Սեն Ժերմենի գլխավոր մարզիչ Կառլո Անչելոտտին հայտարարել է, որ հաջորդ մրցաշրջանում թիմի գերակա խնդիրներից մեկը լինելու է Ֆրանսիայի առաջնության գավաթի նվաճումը:

- Ակումբը մեծածավալ աշխատանք կատարեց ամռան ընթացքում և կարողացավ ձեռք բերել բարձրակարգ ֆուտբոլիստների: Այս մրցաշրջանի առաջին իսկ օրերից մենք ձգտելու ենք միայն հաղթանակների: Ֆրանսիայի առաջնությունը գերակա նպատակ է հանդիսանալու մեզ համար այս մրցաշրջանում: Դա չափազանց դժվար խնդիր է, սակայն մենք կանենք ամեն բան, որպեսզի հաղթենք գավաթը, - հայտարարել է իտալացի մասնագետը:

Մրցաշար

	Թիմ		Խ	Մ
1		ՊՍԺ	22	45
2		Լիոն	22	45
3		Մարսել	22	42
4		Ռենն	22	36
5		Բորդո	22	35
6		Նիցցա	22	35
7		Սեն-Էտիեն	22	34
8		Լորյան	22	34
9		Մոնպելիե	22	32
10		Թուլուզ	22	31
11		Լիլ	22	30
12		Վալենսիեն	22	30
13		Բաստիա	22	25
14		Բրեստ	22	24
15		Այաչչո	22	24
16		Սոշո	22	22
17		Էվիան	22	21
18		Ռեյմս	22	20
19		Տռուա	22	16
20		Նանսի	22	15

Կազմ

Պատմություն

Պարի Սեն-Ժերմենը կամ պարզապես` ՊՍԺ-ն ֆրանսիական ֆուտբոլային ակումբ է, որը ներկայացնում է Փարիզ քաղաքը: Ակումբը հիմնադրվել է 1970 թվականին:

Պարի Սեն-Ժերմեն ֆուտբոլային ակումբը բազմաթիվ գավաթների հաղթող է, մասնավորապես` երկու անգամ հաղթել է Ֆրանսիայի առաջնության գավաթը (1986 և 1996 թվականներին), ինչպես նաև ութ անգամ հաղթել է Ֆրանսիայի գավաթը (1982, 1983, 1993, 1995, 1998, 2004, 2006 և 2010 թվականներին):

Ակումբի հանրահայտ ղեկավարներից են եղել Դանիել Էշտերը (1974-1978թթ.), Ֆրենսիս Բորելլին (1978-1991թթ.) և Միշել Դենիզոն (1991-1998թթ.): Դենիզոն արդարացիորեն կարող է համարվել ամենահաջողակ ղեկավարը Պարի Սեն-Ժերմեն ֆուտբոլային ակումբի համար:

ՊՍԺ-ի պատմությունը լի է փառահեղ հաղթանակներով և դառը պարտություններով, սակայն այսօր Փարիզյան ակումբը համարվում է աշխարհի լավագույններից մեկը, որը դեռ շատ բան ունի ասելու համաշխարհային ֆուտբոլին:
1970-ական թվականներին Ֆրանսիայում, մասնավորապես` Փարիզում, տրիում է տնտեսական ճգնաժամը, ինչը տեղացի մեծահարուստներին ստիպեց մտածել նոր ֆուտբոլային ակումբ հիմնադրելու մասին: Եվ ահա, 1970 թվականի մայիսի 20-ին որոշվեց հիմնադրել Պարի Ֆուտբոլային ակումբը: Այս տարեթիվն էլ համարվում է Պարի Սեն-Ժերմեն Ֆուտբոլային ակումբի ծննդյան տարեթիվը:

Պարի Սեն-Ժերմեն Ֆուտբոլային ակումբի պատմության մեջ շրջադարձային նշանակություն ունեցավ 2011թվականի մայիսի 31-ին Քաթար Սպորտի կողմից ակումբի 70% փաթեթների ձեռքբերումը: Քաթար Սպորտը մեծ ներդրումներ կատարեց ակումբում և ձեռք բերեց մեր ժամանակների տաղանդաշատ և բարձրակարգ ֆուտբոլիստների, որոնք անհամեմատ հզորացրեցին թիմը:
Ներկա պահին ակումբի նախագահն է Նասեր Ալ-Հելայֆին, ով իր պաշտոնը զբաղեցրել է 2011 թվականից:
Թիմի գլխավոր մարզիչն է Կառլո Անչելոտտին, ով համարվում է աշխարհի լավագույն մարզիչներից մեկը:

ՊՍԺ-ի մարզադաշտը Պարկ Դե Պրինսն է, որն ունի 48527 նստատեղ: