Glam Info
Նորություններ :

Պարի Սեն - Ժերմեն

Տրանսֆերային Նորություններ

Showing posts with label Նորություններ. Show all posts
Showing posts with label Նորություններ. Show all posts

Անչելոտտի. Այո, Դեվիդը երիտասարդ չէ արդեն, սակայն Մալդինին 39 տարեկանում հաղթեց Չեմպիոնների լիգայի գավաթը

2/3/13

Պարի Սեն-Ժերմենի գլխավոր մարզիչ Կառլո Անչելոտտին մեկնաբանել է Դեվիդ Բեքհեմի տեղափոխությունը ֆրանսիական ակումբ:
- Ես լավ եմ ճանաչում Դեվիդին: Բոլորը խոսում են նրա կերպարի մասին, բայց ես կցանկանայի խոսել նրա պրոֆեսիոնալ հատկությունների մասին: Նա փորձառու ֆուտբոլիստ է: Այո, Դեվիդը երիտասարդ չէ արդեն, սակայն Մալդինին 39 տարեկանում հաղթեց Չեմպիոնների լիգայի գավաթը. այնպես որ Բեքհեմը դեռ շատ ժամանակ ունի առջևում:
Դեվիդը պետք է մարզվի, քանի որ նոր է վերադարձել արձակուրդից: Բայց կարևորն այն է, որ նա կարող է խաղալ կիսապաշտպանական բոլոր դիրքերում:
Ես շատ ուրախ եմ, որ Դեվիդը միացել է մեզ և համոզված եմ, որ նա կօգնի մեզ, - հայտարարել է Անչելոտտին:

Բեքհեմ. Իբրահիմովիչը աշխարհի լավագույն հարձակվողներից մեկն է

2/2/13

Անգլիացի հանրահայտ կիսապաշտպան Դեվիդ Բեքհեմը, ով վերջերս պայմանագիր ստորագրեց ֆրանսիական ՊՍԺ ակումբի հետ, գովեստի խոսքերի է արժանացրել ֆրանսիական ակումբի առաջատար Զլատան Իբրահիմովիչին:
- Իբրահիմովիչը աշխարհի լավագույն հարձակվողներից մեկն է, և ես անչափ ուրախ եմ, որ մենք թիմակիցներ ենք: Ես միշտ հիացել եմ նրա ցուցադրած խաղով և զգացել, որ նա դառնալու է աշխարհի լավագույն ֆուտբոլիստներից մեկը, - հայտարարել է Բեկհեմը:
Հիշեցնենք, որ անգլիացի լեգենդար ֆուտբոլիստը համաձայնվել է հանդես գալ ՊՍԺ-ում և իր ամբողջ աշխատավարձը տրամադրել տեղի մանկապատանեկան դպրոցին:

ՊՍԺ-ը խոշոր հաշվով հաղթեց Թուլուզին


Երեկ Ֆրանսիայի ազգային առաջնության 23-րդ տուրի շրջանակներում Թուլուզը ընդունել էր Պարի Սեն-Ժերմենին:
Հյուրերը հանդիպման առաջին իսկ րոպեներից հարձակողական ֆուտբոլ էին ցույց տալիս և արդյունքը երկար սպասեցնել չտվեց. Հանդիպման 4-րդ րոպեին գեղեցիկ գոլի հեղինակ դարձավ Պաստորեն: Քիչ անց գոլի հեղինակ դարձավ ՊՍԺ-ի առաջատար Զլատան Իբրահիմովիչը:
Երկրորդ խաղակեսում ևս հյուրերը բացահայտ առավելություն ունեին տանտերերի նկատմամբ: ՊՍԺ-ին հաջողվեց ևս երկու գնդակ ուղարկել մրցակցի դարպասը. աչքի ընկան Սիխոն և Վան դեր Վիլը: ՊՍԺ-ը հաղթեց 4-0 հաշվով և գլխավորում է մրցաշարային աղյուսակը:

Անչելոտտի: Բարսելոնը այլևս ագրեսիվ չէ

9/8/12

Պարի Սեն-Ժերմենի գլխավոր մարզիչ Կառլո Անչելոտտին իտալական լրատվամիջոցներին տված հարցազրույցում խոսել է Չեմպիոնների լիգայի և այդ մրցաշարի ֆավորիտների մասին: Իտալացի մասնագետը կարծում է, որ Կատալոնական Բարսելոնը զիջել է իր դիրքերը Պեպ Գուարդիոլայի հեռանալուց հետո:
- Եթե խոսենք Չեմպիոնների լիգայի ֆավորիտների մասին, ապա պետք է հասկանալ, որ այժմ Բարսելոնը և Ռեալ Մադրիդը շարունակում են գերհզոր ակումբներ համարվել: Սակայն Բարսելոնը այժմ զիջել է իր դիրքերը Խոսեպ Գուարդիոլայի հեռանալուց հետո: Բարսան այլևս այդքան ագրեսիվ չէ, քան մի քանի ամիս առաջ, - հայտարարել է Կառլո Անչելոտտին:

Կառլո Անչելոտտի: ՊՍԺ-ն լավ հանդես չեկավ, բայց դա ժամանակի խնդիր է

8/29/12

Կառլո Անչելոտտին Բորդոյի դեմ հանդիպման ժամանակ
ՊՍԺ-ի գլխավոր մարզիչ Կառլո Անչելոտտին մեկնաբանել է Ֆրանսիայի առաջնության երրորդ տուրի Բորդոյի դեմ հանդիպման արդյունքները: Հիշեցնենք, որ հանդիպումն ավարտվել էր ոչ-ոքի` 0-0:
- Մենք իսկապես լավ չէինք խաղում և կարող էինք ավելին անել Բորդոյի դեմ մրցավեճում: Մենք, իհարկե, գոհ չենք արդյունքից, քանի որ թիմի ներքին կարողությունները թույլ են տալիս ավելին ակնկալել:
Մենք չէինք կարողանում վտանգավոր պահեր ստեղծել հակառակորդի դարպասների մոտ: Սակայն պետք է արժանին մատուցել հակառակորդին, ով գրագետ պաշտպանվում էր: Այս ամենը ժամանակի խնդիր է: Մենք կարող ենք ավելի լավ խաղ ցուցադրել, - հայտարարել է Անչելոտտին:

Պաստորե: ՊՍԺ-ն պետք է հաղթանակ տանի յուրաքանչյուր խաղում

8/18/12

Խավիեր Պաստորեն խոսել է ՊՍԺ-ի մասին
Պարի Սեն-Ժերմենի կիսապաշտպան Խավիեր Պաստորեն կարծում է, որ իր թիմի բոլոր ֆուտբոլիստները պետք է կենտրոնանան միայն հաղթանակների վրա:
- Այս մրցաշրջանում ՊՍԺ-ից սպասելու են միայն հաղթանակի յուրաքանչյուր խաղում: Առաջին հանդիպման ժամանակ մենք չկարողացանք հաղթանակ տանել, սակայն դա այդքան էլ վախենալու չէ, քանի որ բոլորն էլ գիտակցում են, որ առաջին մրցավեճը չափազանց դժվար է լինում: Մենք պետք է հանգստություն և սառնասրտություն ցուցաբերենք, որպեսզի կարողանանք գավաթներ նվաճել, - հայտարարել է Պաստորեն:

Ռոնալդինիո: Հուսով եմ, որ ՊՍԺ-ն կսկսի գավաթներ նվաճել

8/17/12

Ռոնալդինիոն խոսեց ՊՍԺ-ի մասին
Բրազիլացի կիսապաշտպան Ռոնալդինիոն, ով ժամանակին հանդես է եկել Պարի Սեն-Ժերմենում, խոսել է ակումբի կադրային փոփոխությունների մասին:
- Ակումբը մեծածավալ և քրտնաջան աշխատանք է կատարել: Նրանք հիանալի կոլլեկտիվ են ստեղծել: ՊՍԺ-ն կարողացել է ձեռք բերել այնպիսի ֆենոմենալ ֆուտբոլիստների, ինչպիսիք են` Զլատան Իբրահիմովիչը և Տիագո Սիլվան, որոնց հետ միասին ես հանդես եմ եկել Միլանում: Նրանք իմ մտերիմ ընկերներն են: Հուսով եմ, որ Պարի Սեն-Ժերմենը շատ արագ կսկսի գավաթներ նվաճել, - հայտարարել է Ռոնալդինիոն:

Անչելոտտի: Մենք պետք է բարելավենք մեր խաղը

Պարի Սեն-Ժերմենի գլխավոր մարզիչ Կառլո Անչելոտտին Ֆրանսիայի առաջնության երկրորդ տուրում Այաչիոյի դեմ հանդիպմանը իր սաներից ակնկալում է բարձրակարգ ֆուտբոլ և միայն հաղթանակ:
Հիշեցնենք, որ Ֆրանսիայի առաջնության առաջին տուրում ՊՍԺ-ն ոչ-ոքի ավարտեց Լորյանի դեմ հանդիպումը:
- Մենք ֆանտաստիկ հարձակման գիծ ունենք` ի դեմս Զլատան Իբրահիմովիչի: Սակայն մենք պետք է ավելի քրտնաջան աշխատենք: Մենք դեռ կազմավորվում ենք և նոր ենք ճանաչում միմյանց: Եվ դեռ ժամանակ ունենք բարելավելու համար մեր խաղաոճը, քանի որ առաջնությունը նոր է մեկնարկել, - հայտարարել է Անչելոտտին:

Միլան Բիշեվացը տեղափոխվեց Լիոն

Միլան Բիշեվացը տեղափոխվեց Լիոն
Պարի Սեն-Ժերմենի պաշտպան Միլան Բեշեվացը պաշտոնապես տեղափոխվեց Լիոն: Այս մասին հաղորդում է Լիոնի պաշտոնական կայքը: Ոչ պաշտոնական տեղեկատվության համաձայն, Լիոնը ՊՍԺ-ին 28 ամյա Բիշեվացի տրանսֆերի համար վճարել է 2.2 մլն. Եվրո:
Սերբիայի Ազգային հավաքականի պաշտպանը արդեն անցել է համապատասխան բուժզննումները և ստորագրել չորսամյա պայմանագիր Լիոնի հետ:
Հիշեցնենք, որ Միլան Բիշեվացը ՊՍԺ էր տեղափոխվել 12 ամիս առաջ Վալենսիանայից:

Տիագո Սիլվա: Ես Ցանկանում եմ Պատմություն Կերտել ՊՍԺ-ում

8/16/12

Պարի Սեն-Ժերմենի կենտրոնական պաշտպան Տիագո Սիլվան Պատմել է, որ Մինչ ֆրանսիական ակումբ տեղափոխվելը խորհրդակցել է Միլանի նախկին հարձակվող Զլատան Իբրահիմովիչի հետ, ով նույնպես տեղափոխվեց ՊՍԺ:
- Մինչ Պարի Սեն-Ժերմենի հետ պայմանագիր ստորագրելը ես խորհրդակցեցի Զլատանի հետ: Սկզբում ես ցանկանում էի խաղալ Իբրայի հետ Միլանում, սակայն դեպքերի հետագա զարգացումները հանգեցրին նրան, որ մենք միասին տեղափոխվեցինք ՊՍԺ:
Այժմ ես ցանկանում եմ պատմություն կերտել ՊՍԺ-ի հետ: Ինձ վիճակվել է խաղալ աշխարհի լավագույն հարձակվողներից մեկի` Զլատան Իբրահիմովիչի, հետ:
Բացի այն փաստից, որ Զլատանը ֆանտաստիկ ֆուտբոլիստ է, նա նաև իմ լավագույն ընկերներից մեկն է, - հայտարարել է Տիագո Սիլվան:

Ֆրանսիայի Առաջնություն

 

© Copyright The First Armenian Fan Club of PSG 2011 -2012 | Powered by Blogger.com.