Պարի Սեն Ժերմենի գլխավոր մարզիչ Կառլո Անչելոտտին հայտարարել է, որ հաջորդ մրցաշրջանում թիմի գերակա խնդիրներից մեկը լինելու է Ֆրանսիայի առաջնության գավաթի նվաճումը:
- Ակումբը մեծածավալ աշխատանք կատարեց ամռան ընթացքում և կարողացավ ձեռք բերել բարձրակարգ ֆուտբոլիստների: Այս մրցաշրջանի առաջին իսկ օրերից մենք ձգտելու ենք միայն հաղթանակների: Ֆրանսիայի առաջնությունը գերակա նպատակ է հանդիսանալու մեզ համար այս մրցաշրջանում: Դա չափազանց դժվար խնդիր է, սակայն մենք կանենք ամեն բան, որպեսզի հաղթենք գավաթը, - հայտարարել է իտալացի մասնագետը: